हरिः ओम्

Sloka Text in Telugu , Kannada, Gujarati, Devanagari, English

||ઓમ્ તત્ સત્||

સુન્દરકાંડ.
અથ ષટ્ર્ત્રિંશસ્સર્ગઃ

ભૂય એવ મહાતેજા હનુમાન્ મારુતાત્મજઃ|
અબ્રવીત્ પ્રશ્રિતં વાક્યં સીતા પ્રત્યયકારણાત્||1||

વાનરોઽ‍હં મહભાગે દૂતો રામસ્ય ધીમતઃ|
રામાનામાંકિતં ચેદં પશ્ય દેવ્યંગુળીયકમ્||2||

પ્રત્યયાર્થં તવાssનીતં તેન દત્તં મહાત્મના|
સમાશ્વસિહિ ભદ્રં તે ક્ષીણ દુઃખફલા હ્યસિ||3||

ઇત્યુક્ત્વા પ્રદદૌ તસ્યૈ સીતાયૈ વાનરોત્તમઃ|
ગૃહીત્વા પ્રેક્ષમાણા સા ભર્તુઃ કરવિભૂષણમ્||
ભર્તારમિવ સંપ્રાપ્તા જાનકી મુદિતાsભવત્||4||

ચારુતદ્વદનં તસ્યા સ્તામ્રશુક્લાય તેક્ષણમ્|
અશોભત વિશાલાક્ષ્યા રાહુમુક્ત ઇવોડુરાટ્||5||

તતસ્સા હ્રીમતી બાલા ભર્તૃસંદેશહર્ષિતા|
પરિતુષ્ટા પ્રિયં કૃત્વા પ્રશશંસ મહાકપિમ્||6||

વિક્રાંતસ્ત્વં સમર્થસ્ત્વં પ્રાજ્ઞસ્ત્વં વાનરોત્તમ|
યે નેદં રાક્ષપદં ત્વયૈકેન પ્રધર્ષિતમ્||7||

શતયોજનવિસ્તીર્ણઃ સાગરો મકરાલયઃ|
વિક્રમશ્લાઘનીયેન ક્રમતા ગોષ્પદીકૃતઃ||8||

ન હિ ત્વાં પ્રાકૃતં મન્યે વાનરં વાનરર્ષભ|
યસ્ય તે નાસ્તિ સંત્રાસો રાવણા ન્નાપિ સંભ્રમઃ||9||

અર્હસે ચ કપિશ્રેષ્ઠ મયા સમભિભાષિતુમ્|
યદ્યપિ પ્રેષિતસ્તેન રામેણ વિદિતાત્મના||10||

પ્રેષયિષ્યતિ દુર્દર્ષો રામો ન હ્ય પરીક્ષિતમ્|
પરાક્રમ મવિજ્ઞાય મત્સકાશં વિશેષતઃ||11||

દિષ્ટ્યા ચ કુશલી રામો ધર્માત્મા સત્યસંગરઃ|
લક્ષ્મણશ્ચ મહાતેજા સ્સુમિત્રાનંદવર્ધનઃ||12||

કુશલી યદિ કાકુત્‍સ્થઃ કિં નુ સાગરમેખલાં|
મહીં દહતિ કોપેન યુગાંતાગ્નિ રિવોત્થિતઃ||13||

અથવા શક્તિમંતૌ તૌ સુરાણા મપિ વિગ્રહે|
મમૈવ તુ ન દુઃખાનાં અસ્તિ મન્યે વિપર્યયઃ||14||

કચ્ચિન્ન વ્યધિતો રામઃ કચ્ચિન્ન પરિતપ્યતે|
ઉત્તરાણિ ચ કાર્યાણિ કુરુતે પુરુષોત્તમઃ||15||

કચ્ચિન્ન દીનઃ સંભ્રાંતઃ કાર્યેષુ ચ ન મુહ્યતિ|
કચ્ચિ ત્પુરુષકાર્યાણિ કુરુતે નૃપતેસ્સુતઃ||16||

દ્વિવિધં ત્રિપાધોપાય મુપાય મપિ સેવતે|
વિજિગીષુ સ્સુહૃત્ કચ્ચિન્ મિત્રેષુ ચ પરંતપ||17||

કચ્ચિ ન્મિત્રાણિ લભતે મિત્રૈશ્ચાપ્યભિગમ્યતે|
કચ્ચિત્ કલ્યાણમિત્રશ્ચ મિત્રૈશ્ચાપિ પુરસ્કૃતઃ||18||

કચ્ચિ દાશાસ્તિ દેવાનાં પ્રસાદં પાર્થિવાત્મજઃ|
કચ્ચિત્ પુરુષકારં ચ દૈવં ચ પ્રતિપદ્યતે||19||

કચ્ચિ ન્નવિગત સ્નેહઃ પ્રવાસાન્મયિ રાઘવઃ|
કચ્ચિ ન્માં વ્યસનાત્ અસ્માન્મોક્ષયિષ્યતિ વાનર||20||

સુખાનામુચિતો નિત્યં અસુખાનાં અનૂચિતઃ|
દુઃખમુત્તરમાસાદ્ય કચ્ચ્ દ્રામો ન સીદતિ||21||

કૌસલ્યાયા સ્તથા કચ્ચિત્ સુમિત્રાયાઃ તથૈવ ચ|
અભીક્ષ્ણં શ્રૂયતે કચ્ચિત્ કુશલં ભરતસ્ય ચ||22||

મન્નિમિત્તેન માનાર્હઃ કચ્ચિ ચ્છોકેન રાઘવઃ|
કચ્ચિ ન્નાન્યમના રામઃ કચ્ચિ ન્માં તારયિષ્યતિ||23||

કચ્ચિ દક્ષૌહિણીં ભીમાં ભરતો ભાતૃવત્સલઃ|
ધ્વજિનીં મંત્રિર્ગુપ્તાં પ્રેષયિષ્યતિ મત્કૃતે||24||

વાનરાધિપતિઃ શ્રીમાન્ સુગ્રીવઃ કચ્ચિદેષ્યતિ|
મત્કૃતે હરિભિર્વીરૈ ર્વૃતો દંતાનખાયુધઃ||25||

કચ્ચિ ચ્ચ લક્ષ્મણ શ્શૂરઃ સુમિત્રાનંદવર્ધનઃ|
અસ્ત્રવિચ્ચરજાલેન રાક્ષસાન્ વિધમિષ્યતિ||26||

રૌદ્રેણ કચ્ચિદસ્ત્રેણ જ્વલતા નિહતં રણે|
દ્રક્ષ્યાં અલ્પેન કાલેન રાવણં સસુહૃજ્જનમ્||27||

કચ્ચિન્ન તદ્દેમ સમાનવર્ણં
તસ્યાનનં પદ્મસમાનગંધિ|
મયા વિના શુષ્યતિ શોકદીનં
જલક્ષયે પદ્મ મિવાતપેન||28||

ધર્માપદેશાત્ ત્યજતશ્ચ રાજ્યં
માંચાપ્યરણ્યં નયતઃ પદાતિમ્|
નાસીદ્વ્યધા યસ્ય ન ભીર્નશોકઃ
કચ્ચિચ્ચ ધૈર્યં હૃદયે કરોતિ||29||

ન ચાસ્ય માત ન પિતા નાન્યઃ
સ્નેહા દ્વિશિષ્ઠોઽસ્તિ મયા સમો વા|
તાવ ત્ત્વહં દૂત જિજીવિષેયં
યાવત્પ્રવૃત્તિં શૃણુયાં પ્રિયસ્ય||30||

ઇતીવ દેવી વચનં મહાર્થં
તં વાનરેંદ્રં મધુરાર્થ મુક્ત્વા|
શ્રોતું પુનસ્તસ્ય વચોsભિ રામં
રામાર્થયુક્તં વિરરામ રામા||31||

સીતાયા વચનં શ્રુત્વા મારુતિ ર્ભીમવિક્રમઃ|
શિરસ્યંજલિ માધાય વાક્યમુત્તરમબ્રવીત્||32||

ન ત્વા મિહસ્થાં જાનીતે રામઃ કમલ લોચને|
તેન ત્વાં નાનય ત્યાશુ શચીમિવ પુરંદરઃ||33||

શ્રુત્વૈવ તુ વચો મહ્યં ક્ષિપ્ર મેષ્યતિ રાઘવઃ|
ચમૂં પ્રકર્ષન્ મહતીં હર્યૃક્ષગણસંકુલામ્||34||

વિષ્ટંભયિત્વા બાણૌઘૈ રક્ષોભ્યં વરુણાલયમ્|
કરિષ્યતિ પુરીં લંકાં કાકુત્‍સ્થઃ શાંતરાક્ષસામ્||35||

તત્ર યદ્યંતરા મૃત્યુ ર્યદિ દેવા સ્સહાસુરાઃ|
સ્થાસ્યંતિ પથિ રામસ્ય સ તાનપિ વધિષ્યતિ||36||

તવાદર્શનજે નાર્યે શોકેન સ પરિપ્લુતઃ|
ન શર્મ લભતે રામ સ્સિંહાર્દિત ઇવ દ્વિપઃ||37||

મલયેન ચ વિંધ્યેન મેરુણા મંદરેણ ચ|
દર્દુરેણ ચ તે દેવિ શપે મૂલફલેન ચ||38||

યથા સુ નયનં વલ્ગુ બિંબોષ્ઠં ચારુકુંડલમ્|
મુખં દ્રક્ષ્યસિ રામસ્ય પૂર્ણચંદ્ર મિવોદિતમ્||39||

ક્ષિપ્રં દ્રક્ષ્યસિ વૈદેહિ રામં પ્રસ્રવણે ગિરૌ|
શતક્રતુ મિવાસીનં નાકપૃષ્ઠસ્ય મૂર્થનિ||40||

ન માંસં રાઘવોભુજ્ઞ્કે નચાsપિ મધુસેવતે|
વન્યં સુવિહિતં નિત્યં ભક્તમશ્નાતિ પંચમમ્||41||

નૈવદંશા ન્ન મશકાન્નકીટા ન્નસરીસૃપાન્|
રાઘવોઽપનયેત્ ગાત્રાત્ ત્વદ્ગતે નાંતરાત્મના||42||

નિત્યં ધ્યાનપરો રામો નિત્યં શોકપરાયણઃ|
નાન્ય ચ્ચિંતયતે કિંચિ ત્સ તુ કામવશં ગતઃ||43||

અનિદ્ર સ્સતતં રામ સ્સુપ્તોsપિ ચ નરોત્તમઃ|
સીતેતિ મધુરાં વાણીં વ્યાહરન્ પ્રતિબુધ્યતે||44||

દૃષ્ટ્વા ફલં વા પુષ્પં વા યદ્વાઽન્ય ત્સુમનોહરમ્|
બહુશો હા પ્રિયે ત્યેવં શ્વસં સ્ત્વાં અભિભાષતે||45||

સ દેવિ નિત્યં પરિતપ્યમાન સ્ત્વાં એવ સીતે ત્યભિભાષમાણઃ|
ધૃતવ્રતો રાજસુતો મહાત્મા તવૈવ લાભાય કૃતપ્રયત્નઃ||46||

સા રામસંકીર્તનવીતશોકા રામસ્ય શોકેન સમાનશોકા|
શરમ્મખે સાંબુદશેષ ચંદ્રા નિશેવ વૈદેહસુતા બભૂવ||47||

ઇત્યાર્ષે શ્રીમદ્રામાયણે આદિકાવ્યે વાલ્મીકીયે
ચતુર્વિંશત્ સહસ્રિકાયાં સંહિતાયામ્
શ્રીમત્સુન્દરકાંડે ષટ્ર્ત્રિંશસ્સર્ગઃ ||

||ઓમ્ તત્ સત્||

|| Om tat sat ||